'Kaukaso' ikus-entzunezkoak emango dio hasiera Ormaiztegiko mendi asteari, bihar
Bihar hasi eta igandean amaituko da, gaztaina jatearekin; igande goizean mendi irteera egingo dute
San Andres jaien atarian, mendi astea antolatu dute Ormaiztegin. Bihar hasi eta igandean amaituko da. Astean zehar mendiaren inguruko ikus-entzunezkoak izango dira kultur etxean, 19:30ean. Astebururako, berriz, hainbat ekitaldi antolatu dituzte: mendi irteera, gaztaina jatea, eta baita bisita gidatu eta tailerrak ere.
Egitaraua:
- Bihar: Kaukaso (Ushba-Myshliaev) ikus-entzunezkoa. Mikel Saez de Urabain. 19:30ean, kultur etxean.
- Etzi: Groenlandia 60. paraleloa ikus-entzunezkoa. Kepa Eskribano. 19:30ean, kultur etxean.
- Osteguna: Chamonix-Zermat eski zeharkaldia ikus-entzunezkoa. Axier Iraeta. 19:30ean, kultur etxean.
- Ostirala: Cho Oyu ikus-entzunezkoa. Pedro Garcia, Oier Plazaola eta Xabier Urrate. 19:30ean, kultur etxean. Jarraian, Mendiko XII. Argazki Lehiaketaren sari banaketa egingo dute.
- Larunbata:
- 12:30. Trenzubiko istorioak bisita gidatua, museotik abiatuta.
- 17:00. Trenzubia miniaturan sorkuntza tailerra, Zumalakarregi museoan. Izena emateko: 943 88 99 00.
- Igandea:
- 09:00. Mendi ibilaldia.
- 16:00-19:00. Ondarea josiz kalean josteko tailerra, eliza atarian. Sarrera librea. Gantxiloa eta puntoa egingo dituzte.
- 18:30. Gaztaina jatea, plazan.
