Jazpanak lidertza kendu dio berriz Zanbo taldeari
Kuadrillen arteko Beasaingo futbol txapelketako 8. jardunaldia jokatu dute jada
Nahikoa gora-beherarekin igaro da kuadrillen arteko Beasaingo futbol txapelketako zortzigarren jardunaldia, eta ondorioz, sailkapen orokorra behin behinean geratu da zehaztuta. Izan ere, eta antolatzaileek jakinarazi dutenez, Patxangas eta Rotula taldeen arteko partida bertan behera utzi behar izan zuten “bi taldeen jarrera lotsagarriaren eta penagarriaren ondorioz”. Partida epaitzeko ardura zuen taldeak hartu zuen erabakia, eta aurten txapelketaren ardura duen Zanbo taldeak erabat egin du bat erabakiarekin, eta babes osoa adierazi dio epaile lanetan aritu zen taldeari. Gauzak horrela, bi taldeak zigortzea erabaki du antolakuntzak eta biei puntu bana kenduko diete sailkapen orokorrean.
Zigorraz gain, bi taldeak abisupean jarri ditu antolakuntzak eta “berriz ere horrelako jarrera erakutsiz gero, txapelketatik kanporatuak” izango direla jakinarazi diete.
Hauek dira zortzigarren jardunaldiko emaitzak:
- Banba ……………………… 4-2 ………………….. Koyote
- Jazpana ………………….. 5-2 ………………….. Zanbo
- Garaiteziñak …………… 4-1 …………………. Barandiaran
- Los Chicos ………………. 7-3 …………………. Arane
- Zintzharri ………………. 6-3 …………………. Txerkole
- Patxangas ………. bertan behera ……… Rotula
