Ertzaintzak 27 urteko mendizalea erreskatatu du Txindokin, istripua izan eta gero
Zauritutako mendizale bat erreskatatu dute gaur eguerdian Txindokin, Herrizaingo Sailak jakinarazi duenez. 12:30ak aldera jaso dute deia larrialdi zerbitzuek, mendizale batek istripua izan duela esanez; orkatilan zuen lesioa zela medio, ez zen bere kabuz ibiltzeko gai. Hala, Ertzaintzak helikopteroa bidali du, erreskaterako. Menditik Larraitz aldeko zelai batera ekarri dute; han anbulantzia zuen zain. Zauritua, Zaldibian bizi den 27 urteko gizonezkoa, Tolosako Asuncion erietxera eraman dute, bertan artatzeko.
