Asier Rodriguez da EH Bilduren Ataungo zerrandaren buru
Ataungo EH Bilduk bihar eta etzi aurkeztuko du maiatzaren 24ko udal hauteskundeetarako hautagaitza eta programa, herrian. Auzoka egingo dituzte aurkezpenak: bihar (ostirala, apirilak 24) San Gregorioko plazan, 19:00etan; larunbatean (apirilak 25) San Martingo plazan 12:00etan, eta Aiako plazan 19:00etan.
Asier Rodriguez Etxeberria da EH Bilduren alkategaia. Honako kideek osatzen dute zerrenda: Aitor Arruabarrena Etxeberria, Nagore Urdangarin Agirre, Miel Mari Jauregi Apalategi, Karmele Aierbe Muxika, Haizea Moreno Torres, Igor Aierbe Guridi, Ane Auzmendi Munduate eta Jose Mari Zabaleta Erauskin. Ordezkoak Nekane Aldasoro Agirrebengoa, Aitor Sukia Imaz eta Iraitz Goikotxea Imaz dira.
Ataungo EH Bilduren hautagaitza./Hitza
