Udaltzaingoaren gomendioak gaztetxoentzat
Lazkaoko Udaltzaingoak hainbat aholku kaleratu ditu, batez ere haurrentzat eta gaztetxoentzat. San Benito ikastolako DBHko ikasleekin zuzenean landu dute festen gaia, leudekeen arriskuen prebentzioaz sentsibilizatzeko.
Herritar guztientzat, orokorrean, honako gomendioak bidali dituzte:
- Leku ezagunetan eta jende ezagunarekin ibili. Hala ez denean, ezezagunekin bakarrik inoiz ez gelditu.
- Leku ilunetan (Gaztinaundi, Mikelar, Maizpide…) kontu pixka bat erabili.
- Adin txikikoek ezin dute alkoholik erosi, ezta edan ere.
- Arrazoi bat edo beste dela, gaizki jarri den laguna bakarrik ez utzi.
- Jai egunetan ondo pasatu, baina besteekiko errespetua zaindu behar du herritar orok. Musika bolumenarekin kontu pixka bat erabili, txirrinak joka ez ibili, petardoekin jolas arriskutsuetan ez ibili…
