Legazpiko Gure Esku Dagok lokala ireki du
Legazpiko Gure Esku Dago taldeak lokala ireki du Kale Nagusian. Iñaki zapata-dendaren jabeek utzi diete lokala. Ekainaren 21eko ekitaldira arte, astearte eta ostegunetan irekiko dute: 18:00etatik 20:00etara. Bertan, materiala, oihalak, Donostiako ekitaldirako informazioa eta txartelak eskuratu ahal izango dira. Inaugurazioan txistulariak, dantzariak, bertsolariak eta trikitilariak izan dira. Gizarte-etxeko Isa Diaz Bravoren pintxoak eta Makatzako gazta txapelduna dastatzeko aukera ere egon da. 
