Beasainen eman du botoa Markel Olano EAJren ahaldungai nagusiak. Senideekin eta alderdikideekin gerturatu da herriko plazara goizeko 10:30ak inguruan. Kanpainan zehar “ondo” lan egin dutela zioen hautagaiak eta “mezu nagusiak” ondo gizarturatu dituztela.
Goierriko Hitzari egindako adierazpenetan, hauteskundeen inguruan boluntario asko ari dela lanean nabarmendu du eta horiei eskerrak eman dizkie. “Gaurkoan irabaziko dugun esperantzarekin nago. Estu ibiliko gara, eta horrek esperantza ematen du”, esan du.
