Zaldibian EH Bildu izan da nagusi, alde handiarekin
ZALDIBIA. Koalizioak 9 zinegotzitik zazpi lortu ditu, botoen gehiengo zabala jasota; Joxan Etxabe izango da alkatea, berriz ere. Herrigintzak, berriz, bi zinegotzi lortu ditu Zaldibian alde handiarekin irabazi ditu hauteskundeak EH Bildu koalizioak. Jo...
ZALDIBIA. Koalizioak 9 zinegotzitik zazpi lortu ditu, botoen gehiengo zabala jasota; Joxan Etxabe izango da alkatea, berriz ere. Herrigintzak, berriz, bi zinegotzi lortu ditu
Zaldibian alde handiarekin irabazi ditu hauteskundeak EH Bildu koalizioak. Jokoan zeuden bederatzi zinegotzietatik zazpi beraienak izango dira, eta Joxan Etxabek jarraituko du alkatetzan. Herrigintza taldeak, berriz, bi zinegotzi izango ditu.
Lau herritarretik hiruk eman dute botoa Zaldibian. EH Bildu izan da zerrendarik bozkatuena, 620 botorekin. Zaldibia Herrigintzan taldeak, berriz, 185 boto jaso ditu, eta horrenbestez, bi zinegotzi dagozkio udalbatzan. PSE-EEk zortzi boto lortu ditu eta ez du ordezkaritzarik izango.
Parte-hartze aldetik maila onari eutsi dio Zaldibiak (%75), nahiz eta aurreko udal hauteskundeetatik puntu bat jaitsi. Boto txuriak 38 izan dira; baliogabeak, berriz, 18.
