Olaberriko argazki lehiaketara lanak aurkezteko epea zabalik

Hilaren 15erako aurkeztu behar dira lanak, paperezko formatoan

Goierriko Hitza

2015/09/10

Iazko argazki sarituak, erakusketan. Arg.: Aimar Maiz

Olaberriko Udalak, Argizpi elkartearen eta Alzuri eta Ados argazki denden laguntzarekin, zortzigarren argazki lehiaketa antolatu du. Edozein argazkizalek aurkez ditzake lanak, eta argazkiek Olaberrirekin izan behar dute zerikusia. Argazkilari bakoitzak lau argazki aurkeztu ahal izango ditu gehienez. Argazki paperean eraman beharko dira, 30x40ko kartulina fin batean. Saridunei jatorrizko irudiak formatu digitalean eskatuko zaie. Lanak aurkezteko epea hilaren 15ean bukatuko da. Sari-ematea azaroaren 1ean Lehen hiru sailkatuek jasoko dute saria. Lehenak 250 euro, bigarrenak 150 eta hirugarrenak 100. Garaikur bana ere emango diete. Herriko sariaren irabazleak 100 euro eta garaikurra izango du saritzat. Partaide bakoitzak sari bakarra jaso ahal izango du, eta sarituak ez direnen artean herriko produktuz osatutako saski bat zozkatuko da. Azaroaren 1ean emango dute epaiaren berri, 18:00etan, Ihurre Zaharreko aretoan zabalduko den erakusketan. Argazkiak Olaberriko egutegia hornitzeko erabiliko ditu udalak. Olaberriko Udalaren webgunean kontsulta daitezke lehiaketaren oinarriak.

Azken elkarrizketak

Azken bideoak

Argitalpen bereziak