Adineko Pertsonen Astea ospatzen ari dira Urretxun
Urteroko moduan, Adineko Pertsonen Astea antolatu dute Urretxun festen aurreko astebururako. Gazte Bidean lokalean belaunaldien arteko elkartrukea egiten ari dira. Igandean, berriz, Adineko Pertsonen Eguna ospatuko dute. 11:30ean udal korporazioak
Urteroko moduan, Adineko Pertsonen Astea antolatu dute Urretxun festen aurreko astebururako. Gazte Bidean lokalean belaunaldien arteko elkartrukea egiten ari dira. Igandean, berriz, Adineko Pertsonen Eguna ospatuko dute. 11:30ean udal korporazioak eguneko zentroa bisitatuko du eta 12:15ean adineko pertsonak eta udal korporazioa Aterpen elkartuko dira. Bertaratutako edadetuenak omenduko dituzte. Aurtengo omenduak hauek izango dira: Ines Tejedor Jimeno (92 urte), Jacinto Mora Gil Gonzalez (88 urte) eta Ursicinio Garcia Olea (88 urte) eta Laura Cenera Mediavilla (86) senar-emazteak.
Omenaldiaren ondoren elizara joango dira, Lizarriturri txistulari taldeak lagunduta. Bertan, 12:30ean, meza egongo da. Ondoren, adineko pertsonei argazkia aterako diete. Jarraian, Lurra taldeak dantza saioa eskainiko du. 14:15ean bazkaria egingo dute Ederrena pilotalekuan eta bazkalondoan dantza lehiaketa eta animazio ekintzak egongo dira.
