Mozorroz betetzen hasiak dira Zaldibiako kaleak, Santa Fe jaien aitzakian gaur ospatzen den Mozorro gaua dela eta. Musika eta giro paregabea izango dute lagun zaldibiarrek gau honetan parrandarako.
Jaiek bihar eta etzi izango dute jarraipena, ekitaldi ugarirekin. Biharkoan, azken urteetan klasiko bihurtu den Ordiziako Laguntasuna Errondailaren kontzertua izango da eguerdi partean, eta arratsaldean, haurren karaoke saioak izango dira, baita profesional mailako pilota partidak ere. Gauez, musika izango da berriz ere protagonista.
Aurtengo
santafeak igandean amaituko dira, kuadrillen egunarekin.
Egitaraua
Urriak 9, ostirala: MOZORRO GAUA
16:00-19:00: Beti Gazte elkarteak sustatutako egitasmoari esker, margoketa tailerra haurretzat. Bertan margotuko dituzte irailean antolatutako zeramika tailerrean egindako lanak.
19:00: Herritarrek antolatutako herri kirolak.
20:00: Elektro Patxaranga kale animazioa.
22:30: Kontzertua La Jodedera taldearekin.
00:00ak aldera: Dantzaldia Gugaz musika taldearekin.
Urriak 10, larunbata:
12:45: Herriko plazan, Laguntasuna Errondailaren saioa.
16:30: Mozorro festa eta haurren jaialdia. Haurrek eurek erakutsiko dute kanturako edo musika tresnak jotzeko duten abilezia.
18:00: Profesionalen esku-pilota partidak. Lehenengo partida: Gorka-Urruzola / Jaka-Irusta. Bigarren partida: Xala-Merino I / Martinez de Irujo – Tolosa. Oharra: Sarrerak egunean bertan jarriko dira salgai, ordubete lehenago.
20:00ak aldera: Txosna batzordeak antolatuta, herrian zehar kalejira aldarrikatzailea, eta ondoren mokadutxoa.
23:00: Kontzertua Irrikan taldearekin.
Ondoren, dantzaldia Gabenara erormeri taldearekin.
Urriak 11, igandea: KUADRILEN EGUNA
11:00: Diana herriko txistulariekin.
12:00: Zortzi urtetik 16 urtera bitarteko Euskal Herriko gaztetxoen sega saioa.
14:30: Bazkaria herriko plazan. Txartelak herriko tabernetan daude salgai, urriaren 7a arte. Bazkalondoan: Jun Da Jo txarangak girotuta, kuadrilen arteko jokoak eta kalejira.
23:00: Herritar batzuek osatzen duten GurErAn taldearekin kontzertua.
Ondoren dantzaldia Tximeleta musika taldearekin.
