EH Bilduk batzarrak deitu ditu herriz herri, hautagaiak izendatzeko

EH Bilduk Espainiako Kongresurako eta Senaturako hautagaiak aukeratuko ditu, boto nominal bidez. Datozen hamar egunetan 15 herritan izango dira bilerak

Goierriko Hitza

Ataun,Beasain,Idiazabal,Itsasondo,Lazkao,Legazpi,Legorreta,Ordizia,Ormaiztegi,Segura,Urretxu,Zaldibia,Zegama,Zerain,Zumarraga

2015/10/22

Goierriko EH Bilduk antolatutako batzarra, Igartza jauregian.

EH Bilduk Espainiako kongresurako eta senaturako hautagaiak aukeratzeko barne prozesua abiatuko du. EH Bilguneak herriz herri egingo dituzte, eta datozen hamar egunetan, Goierriko 15 herritan elkartuko dira. Hautaketa prozesu horren lehen fasean, «Amaiurrek egindako lana eta beste indar politikoekin konfluentziarako aukerak» aztertu dituzte. Bihartik aurrera hasiko den bigarren fasean, berriz, hautagaien zerrendak erabakiko dituzte, hau da, Espainiako Kongresurako eta Senaturako zerrenda buruak nor izango diren. Boto kontaketa nominala izango da, eta zerrenden parekidetasuna bermatzeko, batzarretan gizonezko bat eta emaku- mezko bat bozkatu beharko dira. EH Bilduren helburua, «prozesua zabala, parte-hartzailea eta gardena» izatea da; horregatik, proiektu horrekiko hurbiltasuna edo adostasuna sentitzen duen orori eman diote parte hartzeko aukera. EH Bilduk «gogoz eta arduraz» ekingo dio hauteskunde prozesu honi, «bakea, demokrazia eta normalizaziorako eskenatokiak eraikitzeko eta indartzeko» bidean, koalizioaren presentzia «funtsezkoa izango dela uste baitute. Batzarrak, bihartik hasita Datozen hamar egunetan, Goierriko 15 herritan egingo dituzte batzarrak. Aurrenekoa bihar izango da Zaldibian, eta etzi, Seguran eta Zegaman elkartuko dira. Gainontzekoak, datorren astean zehar egingo dituzte.