Kizkitzan auzolana egingo dute larunbatean
Erretegia hobetu, eta Done Jakue bideko maskor bat ere jarriko dute
Kizkitzan erretegia hobetuko dute
Bihar, larunbata, udazkeneko auzolana egingo dute Itsason, Kizkitzan. Urtean zehar hiru auzolan egun antolatzen dituzte: udaberrian, udan eta udazkenean. Aurreko biak San Lorenzo Ermitan gauzatu zituzten. Oraingoa, ordea, Kizkitzan egingo dute. Eguerdiko 14:30etan abiatuko dira Itsasotik, eta iluntze alderako bueltatuko dira herrira.
Hobekuntzak urtez urte Pilare Muxika ItsasobHerria Elkarteko kidearen ustetan,Kizkitza Itsasoko herritarrentzat «auzolanaren ikurra» da, hobekuntzak egin behar izan direnean herriak parte hartzen baitu. 96-97 urte bitartean jarri zituzten plazako mahaiak, erretegia eraiki zuten, eta pago batzuk ere landatu zituzten. Orain, baina, gauza batzuk hobetzeko daudela azaltzen du. Udazkenarekin batera, eguraldia medio, zuhaitzetako adarrak puskatu eta erori egiten direla azaltzen du, eta horiek bildu eta jasoko dituztela. Horrez gain, badaude hobetuko dituzten beste puntu batzuk, esaterako, erretegia. Kizkitzako erretegiak erabilera handia izan du azken urteotean, eta herdoilak jota daude zati batzuk. Tximinia eta tximini-kanpaia ere erdi erreta daudela azaltzen du, eta horiek konpondu eta aldatzeko aprobetxatuko dute larunbateko irteera.
Urteaga Haundian Done Jakue bideko maskorra jarri zuten
