Aritz Egea eta Elena Calvillo izan dira garaile Garingo mendi lasterketan

Goierriko Hitza

2016/01/24

Aritz Egea urretxuarrak irabazi du Garingo mendi lasterketa.

Beasaingo Garingo San Sebastian jaien barruan jokatu den IV. Garingo mendi lasterketan Aritz Egea urretxuarra izan da azkarrena. 11 kilometroko ibilbide aldapatsua 0:51.59 denboran egin du. Bigarren eta hirugarren postuan, Iñigo Alzola arrasatearra (0:54:13) eta Igon Manzisidor debarra (0:54:15) sartu dira. Emakumezkoetan Elena Calvillo beasaindarra sartu da lehena helmugan. 1:08:25-ko denbora behar izan du ibilbidea osatzeko. Bigarrena Elena Frechilla sondikarra izan da (1:11:45) eta hirugarrena Oihana Arratibel ordiziarra (1:13:01). Beasaindarren artean, mutiletan Koldo Agirrek jaso du saria eta nesketan Elena Calvillok. 250 korrilarik hartu dute parte gaur eguerdiko lasterketan.

ELKARRIZKETAK

ERREPORTAJEAK

KIROLA

Azken bideoak

Argitalpen bereziak