Sinadura bilketa iruditan

Gure Esku Dago

Goierri

2016/02/11

Ordizia

Ekainaren 19ko herri galdeketarako sinadura bilketan aritu gara abendutik hona, eta irudi ugari ditugu buruan. Denetik egin dugu eta denetik izan da sinadura bilketaren harira: baserritar jantziak, mozorroak, Gure Esku Dagoren txaleko islatzaileak, pintxo-sinadura trukea, talo festa…Hotzari eta euriari aurre egin eta mahaiak kalera atera ditugu, ahalik eta sinadura gehien biltzeko asmoz. Sinadura bilketaren garaia amaitu da eta orain erronka berriak ditugu aurretik. Dena den, azpiko argazki hauek bildu ditugu, goierritarron borondatea ehuntzeko balio izan duen faseaz oroitzeko. Mila esker sinatu duzuen guztioi, prozesuaren zilegitasuna berresteagatik, eta aurrerantzean ere bidelagun izango zaituztegula espero dugu. ELKARREKIN adostu eta egingo dugu bidea!