Arri BKL-eko senior mutilek eskuan dute igoera faseko txartela

Maiatzaren 7an eta 8an Beasainen jokatuko du Bigarren Nazional mailara igotzeko Final Fourra.

Goierriko Hitza

2016/03/29

Senior mailako gizonezkoen taldea.

Beasaingo Arri Bkl saskibaloi taldeko senior mailako mutilek eskuan dute dagoeneko Bigarren Nazional mailara igotzeko Final Fourra edo igoera fasea jokatzeko txartela. Beasainen jokatuko da aurtengo Final Fourra, maiatzaren 7an eta 8an, Antzizar kiroldegian. Sailkapeneko lehenengo lau taldeek jokatzen dute Final Fourra: larunbatean, lehenengoak laugarrenaren aurka eta bigarrenak hirugarrenaren aurka. Bi talde irabazleek jokatuko dute finala, igandean. Talde irabazlea bakarrik igoko da Bigarren Nazional mailara. Nafarroa, Araba, Bizkaia eta Gipuzkoako taldeek jokatzen duten maila da hori. Beasaindarrak sailkapenean lehenengo postuan dira momentu honetan.

Hiru Final Four Beasainen Senior mailako gizonezkoen Final Fourra jokatzeaz gain, beste bi igoera fase jokatuko dira Beasainen: apirilaren 23an eta 24an mutilen infantil mailakoa eta apirilaren 30ean eta maiatzaren 1ean senior mailako neskena. Arri BKL-eko infantil mailako taldea sailkatu da dagoneko Final Fourrerako. Senior mailako neskek ere badute aukera igo faseko txartela lortzeko. Ostiralean partida erabakigarria jokatuko dute, lidertzan dagoen Hondarribia taldearen aurka.

Azken elkarrizketak

Azken bideoak

Argitalpen bereziak