Zeraingo kultur astea irudietan
Orain arte udazkenean egin izan den kultur astea, udaberrian egin dute aurten Zerainen, baserritarren egunarekin, San Isidro egunarekin batera.
Ostiralean umeen marrazki rallya eta patata tortilla txapelketa jokatu zituzten. Zortzi taldek hartu zuten parte patata tortilla lehiaketan. Ondoren, mokadutxoa egin zuten guztiek elkarrekin. Larunbatean, berriz, Barreterapia tailerra izan zuten.
Komun publikoen inaugurazioa eta bazkaria
Igandean, San Isidro eguna, baserritarren eguna ospatu zuten. Bazkariaren aurretik, dena den, plazan egin dituzten komun publiko berriak inauguratu zituzten. Ondoren, 50 lagun inguru elkartu ziren Lumagorriren oilaskoekin eta herriko artzainen arkumeekin hornitu zuten bazkarian.
