Dena prest dute Zegaman bihar jokatuko den mendi maratoi eta junior trailerako. Lasterkariek gaur arratsaldean jaso dituzte Zegama-Aizkorri mendi maratoirako dortsalak, eta jende asko ibili da egun osoan Aizkorpeko herrian. Bihar, 09:00etan, abiatuko dira mendi maratoian lehiatuko diren lasterkariak, eta 10:30ean junior trailean parte hartuko dutenak. Herrigunera iritsi aurreko Intxausti industrialdean bidea moztu egingo dute bihar goizean, eta autobusak jarri dituzte ordu laurdenero jendea irteera puntura iritsi ahal izateko.
