Zegama-Aizkorri, gogorra bezain ikusgarria

Zegama-Aizkorri mendi maratoia iruditan: Bideoa eta argazki galeria

Goierriko Hitza

Goierri

2016/05/22

“Euria eta lokatza, hori da guretzat Zegama”. Hitz horiek egin zituen Zegama-Aizkorri parte hartu duen korrikalari batek lasterketaren aurkezpen ekitaldian. Eta aurtengoa ikusita, bete-betean asmatu duela esan liteke. Berez gogorra den ibilbidea zaildu egin dute euriak, haizeak eta hotzak, eta asko izan dira nekeak jota edo hipotermia arazoengatik lasterketa utzi behar izan duten korrikalariak. Aurreneko postuetan aritu den Aritz Lasa da horietako bat. Gainontzean, Kilian Jornet izan da lasterketako protagonista nagusia. Kataluniarrak 8. aldiz irabazi du Zegama-Aizkorri mendi maratoia, ibilbidea 3 ordu eta 50 minutuan osatuta. Bigarrenari bederatzi minututik gorako aldea atera dio, beste behin ere, gainontzeko korrikalariak baino koska bat gorago dagoela argi utziz. Mark Lauenstein (2. postuan) eta Luis Alberto Hernando (3.) izan dira gizonezkoen podiuma osatu dutenak. Emakumezkoetan berriz, Yngvild Caspersen norbegiarra izan da helmugara iristen lehena. Megan Kimmel estatu batuarra izan da bigarren, eta Oihana Kortazar hirugarren.

Analisia (Koldo Urrestarazu): “Sufrituta, baina helburua beteta”
Sailkapen osoa lasterketak.eus webgunean.

ELKARRIZKETAK

ERREPORTAJEAK

KIROLA

Azken bideoak

Argitalpen bereziak