Ekitaldi ugari izango dira Ataungo II. Gazte Asteburua ospatzeko
Asteburu honetan, Torto Ataungo Gazte Asanbladak antolatuta, Ataungo II. Gazteburue gazte asteburua ospatuko dute. Horretarako hainbat ekintza antolatu dituzte herriko gazteentzat.Gaur, 18:30etik aurrera herri kirolak izango dira Aiako plazan. Jarraian...
Asteburu honetan, Torto Ataungo Gazte Asanbladak antolatuta, Ataungo II. Gazteburue gazte asteburua ospatuko dute. Horretarako hainbat ekintza antolatu dituzte herriko gazteentzat.
Gaur, 18:30etik aurrera herri kirolak izango dira Aiako plazan. Jarraian, Haitzarri elkartean afari-merienda egingo dute, eta 22:00etan, leku berean, Barry Manley irlandarrak bakarrizketak eskainiko ditu.
Bihar, IX. Gazte Eguna ospatuko dute. Jentilbaratzara igoera antolatu dute 09:30erako, iaz istripuz hil zen Irantzu Aizpurua herrikidearen omenez eguraldi txarra egingo balu, omenaldia Astiarranen egingo litzateke. Eguerdi aldean trikipoteoa izango da, eta 14:30ean herri bazkaria plazan; jarraian, mahai jolasak egingo dituzte. Iluntzean, trikipoteoa egin ostean, bokadilo afaria izango da eta, azkenik, 23:00etan, Oargin, Sukarra 37 eta Gabezia taldeek kontzertuak eskainiko dituzte.
Azkenik, igandean Orreaga dokumentalaren emanaldia eskainiko dute San Gregorio auzoko elkargunean. 
