Ion Izagirre Ormaiztegiko txirrindulariak 16,8 kilometroko erlojuz kontrako lasterketa irabazi du gaur Suitzako Itzulian. Ondorioz, sailkapen orokorrean hirugarren posturaino igo da ormaiztegiarra. Bihar bukatuko da Suitzako Itzulia. Astanako Miguel Angel Lopez doa lider; bigarrena Cannondale taldeko Andrew Talansky doa zortzi segundora; eta Izagirre hirugarren, hamasei segundora.
Gorka Izagirrek bestalde, gaurko erlojuz kontrakoa 39. postuan bukatu du. Anaiak baino 1:26 gehiago behar izan du lasterketa amaitzeko. Sailkapen orokorrean, 13. postuan dago.
