EAJ izan da bozkatuena Goierrin, Ahal Dugu eta EH Bildu gertutik dituela

2016/06/26

Goierrin berriz ere EAJ-PNV izan da hauteskundeetan emaitzarik onenak izan dituena, 9542 botorekin; atzetik ordea, lehia bizia izan da Elkarrekin-Ahal Duguren eta EH Bilduren artean. Alderdi moreak aurrea hartu dio koalizio abertzaleari, Goierrin 8739 boto jasota; EH Bilduk 66 boto gutxiago izan ditu, 8673. PSE-EE (4378) eta PP (2056) laugarren eta bosgarren indarra izan dira, hurrenez hurren. Parte-hartzea %64,03koa izan da. Abenduko bozekin alderatuta, 2264 lagun gutxiagok eman dute botoa gaurko hitzorduan. Horrenbestez, alderdi gehienek egin dute behera boto kopuruan; EAJk eta EH Bilduk, esaterako, ia 800na boto galdu dituzte. Nabarmen gora egin duena, Elkarrekin-Ahal Dugu koalizioa izan da, 1.200 boto gehiagorekin. Zentzu horretan, alderdirik bozkatuena izatea lortu dute Goierriko bi herri garrantzitsutan: Zumarragan eta Legazpin.

Captura de pantalla 2016-06-26 a las 23.23.00

Gaur guztira 54.034 goierritar zeuden hauteskundeetara deituta; Goierrin bertan erroldatutakoak dira gehienak: 52.418, eta atzerrian bizi dira gainontzeko 1.616 goierritarrak. Gipuzkoan guztira 12 alderdik aurkeztu dituzte zerrendak: EAJ, EH Bildu, Elkarrekin Ahal Dugu, Ciudadanos, PACMA, Partido Libertario, PCPE, PSE-EE, PP, Recortes Cero-Grupo Verde, UPyD eta VOX.

Azken elkarrizketak

Azken bideoak

Argitalpen bereziak