Goierri ibilian ezagutuz
Donostia 2016 egitasmoaren barruan, Euskal Herria 32 etapatan ezagutzeko ibilaldiak egiten ari dira. Ibilbide horren lau etapa Goierritik pasatzen dira. Igandean Legazpitik Arantzazura doaz
Bidean 2016 egitasmoko ibiltariak, Kizkitzatik Murumendirako bidean. / Argazkiak: Gipuzkoako Argazkilari Elkartea
Bidean 2016 egitasmoa ekainaren 19an iritsi zen aurrenekoz Goierrira, Azpeitia eta Zumarraga artean egindako Hiru Tenpluen Ibilbidearekin. Antion bukatu zuten txangoa, eta bisita gidatua, talo jana eta Kataluniako castellerren erakustaldia izan zituzten. Hurrengo etapa, ekainaren 26koa, Zumarraga eta Beasain artekoa izan zen. Igartubeiti baserri museoa, Kizkitza, Murumendi eta Agorta pasa eta Igartzan bukatu zuten ibilbidea, bertako dantzarien saioarekin.
Pasa den igandean berriz, Beasaindik Legazpira arteko zatia egin zuten, Idiazabaldik eta Zeraindik pasata. Hain zuzen ere, Legazpitik abiatu eta Arantzazura iritsiko da Goierriko laugarren eta azken etapa, igandean.
Hurrengo etapa: Legazpi-Arantzazu
- Noiz. Igandea, uztailak 10.
- Non. Legazpiko Mirandaola burdinolan hasiko da, 09:00etan.
- Luzera. 13,3 km.
- Izen-ematea. Ostiral arratsaldeko 20:00ak baino lehen eman behar da izena, www.dss2016.eu webgunean, 7 euro ordainduta.
- 09:00. Burdinolara bisita.
- 11:15. Jarondoko bordak.
- 12:00. Kataberako meategiak.
- 12:30. Paisaiaren interpretazioa eta ‘Ama birjinaren aulkia’.
- 14:00. Santutegian ongi etorria kanpai-hotsekin eta Gomiztegiko gaztaren dastaketa.
- 15:30. Arantzazuko basilikara bisita gidatua.
- 17:00. Ruper Ordorikaren kontzertua, Gandiaga topagunean.
