Junetorri autobusaren neguko ordutegia abian izango da hilaren 29tik
Asteburuetan arratsaldez ibiliko da hirigunea eta auzoak lotzen dituen autobusa
Datorren larunbatetik aurrera Junetorri autobusaren, Legazpiko hirigunea eta auzoak lotzen dituena, ordutegiak neguko ordutegietara egokituko dituzte. Ordutegi berria indarrean egongo da martxoaren 26ra arte.
Junetorri zerbitzua asteburuetan eta jaiegunetan egongo da 17:00etan hasi eta 21:17era arte.
Datorren azaroaren 1ean, Santu Guztien egunean, goizez ere egongo da Junetorri zerbitzua. Hain zuzen, 10:30etik 14:30era. Goizeko zerbitzuaz gain, arratsaldez ere erabili ahal izango da goian aipatutako neguko ordutegian. 
