Muguruzak bizitza eta musika bidea errepasatu ditu Lazkaon
Lazkaoko Gerriko elkartea bete egin zen, atzo, Fermin Muguruza musikariaren (Irun, 1963) kontuak entzuteko. Aitor Artza musikari lazkaotarrak elkarrizketatu zuen, Hitz&Musik zikloko bigarren saioan.
Txikitatik hasita, musika ibilbidea eta hamaika kontu xehetu zituzten. Gurutz Bikuña eta Eneko Dorronsoro musikari ataundarrek lagundu zioten, bukaeran, kantaldian. Azaroaren 23an Anari Alberdi izango da gonbidatua, zikloa bukatzeko.
