CAFeko langileek bigarren mobilizazio eguna dute
Langileen mobilizazioa gaur, CAF lantegi barruan. // Argazkiak: ELA eta LAB
Egun bakoitzeko, lantokiko sektore ezberdinetan egiten ari dira protestak. Gaur, 4. sektorearen txanda izan da, eta bertako arduradunari, “tailer horretan izandako azken azpikontratazio kasuak” salatzen dituen agiri bat eman diote. Langileek, “azpikontratazio politikekin amaitu eta lehen bailehen langileak kontratatzen hasteko” exijitu diote enpresari.
Bestalde, altzairutegiari dagokionean, berau ixteko egitasmoa atzera bota eta “altzairua bertan produzitzen jarraitzeko plan bat” helarazi diote sindikatuek zuzendaritzari. Gai horren inguruan, “oraindik hizketan” ari direla azaldu du enpresa batzordeak.
