Kilimanjaro sumendia Ormaiztegitik ikusten da
Mendi Astearen baitan Koke Lasa mendigoizaleak Uhuru Peak gailurrera egindako igoera kontatuko du
Koke Lasa mendigoizale ormaiztegiarrak, Mendi Astearen baitan, Uhuru Peak (Kilimanjaro, Tanzania) egindako igoera kontatzen duen ikus-entzunezkoa emango du azaroaren 11n, 19:00etan, kultur etxeko aretoan. Ormaiztegiarrek bertatik ikusi ahal izango dute Kilimanjaro sumendiaren gailurra, baita Lasak bere bikotekidearekin igotako Uhuru Peak (5.895 metro) gailurra jo bidean egindako txangoa ere. Afrikako tontorrik garaiena Ormaiztegitik begiztatu ahal izango da. 
