Amaia Erbina errugbi jokalari ordiziarrak Dubain jokatuko den Women’s Seven Series nazioarteko txapelketan parte hartuko du, Espainiako selekzioarekin. Errugbi 7 modalitateko txapelketa da, eta Ingalaterraren aurka jokatuko dute aurreneko partida, txapelketako estrainekoa.
Erbina kirol momentu gorenean dabil. Udara honetan Rio de Janeiroko (Brasil) olinpiar jokoetan izan zen, eta duela pare bat aste, Espainiako errugbi 15eko selekzioarekin, Munduko Txapelketarako sailkatzea lortu zuen, Eskoziari irabazita.
