Euskara ospatzen

Goierriko Hitza

2016/12/03

Lasterketa egin dute gaur Itsasondon.

Kolore eta mota guztietako ekitaldiak egiten ari dira gaur Goierrin, Euskararen Nazioarteko Eguna ospatzeko. Eskualdeko ikastetxeek bezperara aurreratu zituzten ekitaldiak, baina gaur, elkarteek nahiz erakundeek antolatutako ekitaldi ugari ari dira egiten. Urretxu-Zumarragan esaterako, hainbat ekitaldi egin dituzte gaur goizean. Udalak gune bat eskaini die euskaldun berriei, Antioko Interpretazio zentroan. Haren ataria, Euskaldun Berrien Ataria izendatu dute. Segidan, Mintzodromoa ere egin dute, 50 bat lagunek. Euskaldun zahar eta berriak elkarrekin berriketan aritzeko egitasmoa da, eta aurten 6. urtea bete du Urretxu-Zumarragan. Eguerdi partean berriz, UZ Ikastolako ikasleek flashmob jendetsua egin dute. Bestelako ekitaldirik ere izan da, ordea. Itsasondon, haur eta gurasoentzako kros mistoa egin dute goizean. Iluntzean berriz, talo jana izango dute. Bestetik, Seguran, ipuin eta marrazki lehiaketako sariak banatu dituzte, eguerdian.

Euskararen Eguneko ekitaldien zerrenda

Azken elkarrizketak

Azken bideoak

Argitalpen bereziak