Mundu mailako magoa, Lazkaon
Iñaki Ruiz de Galarreta 'Sun' mago arabarrak ospea eman dion 'Magic spectacular' ikuskizuna egingo du, gaur, Lazkaoko Areria antzokian. Eskapista, ilusionista eta lebitazioetan aditua da. Ikusmina piztu du.Houdini mago entzutetsuaren jarraitzailea da ...
Iñaki Ruiz de Galarreta ‘Sun’ mago arabarrak ospea eman dion ‘Magic spectacular’ ikuskizuna egingo du, gaur, Lazkaoko Areria antzokian. Eskapista, ilusionista eta lebitazioetan aditua da. Ikusmina piztu du.
Houdini mago entzutetsuaren jarraitzailea da Iñaki Ruiz de Galarreta gasteiztarra, Sun izen artistikoarekin munduan barrena dabilen artista. Muturreko eskapismoak egiten ditu, ilusio handiak eta lebita-zioak, bere webgunean dioenez. Lazkaoko Areria antzokian egingo du, gaur 19:00etan, Magic spectacular ikuskizuna. Ordu eta erdian, «emozioz, argiz, soinuz, kolorez, efektuz eta misterio kutsuz beteriko» saioa da.Sarrerak 7 euroan dira salgai, udaletxean. Ikusmina piztu du Sun magoak; aretoa bete egingo da, sarrerak agortu baitira.
Hamahiru urterekin hasi zen Ruiz de Galarreta magia lantzen. Lehen ikuskizuna 15 urterekin eman zuen, Gasteizko antzoki batean. Geroztik, nazioarteko magia biltzarretan parte hartu du, mago maisu onenekin. Ilusio handien arloan saiatu da.
«Magia tradizionala irauli, eta ikuslea sentsazio eta sorpresa amaigabeetan murgiltzea lortzen du», azaldu du Lazkaoko Udalak, saioaren antolatzaileak.
Gaur egun Euskal Herriko mago ilusionista onentzat hartzen dute. Espainiako Magia Sari Nazionala irabazia da.
‘Goazen’ eta Su ta Gar
Lazkaoko Udalak hurrengo as-teetarako jendetsu izateko itxura guztia duten beste ikuskizun batzuk ere antolatu ditu. Bat, ETBko Goazen telesaileko aktoreen dantza-saioa eta kantaldia izango da. Arerian ariko dira, otsailaren 10ean. Bi saio izango dira, 18:00etan eta 20:00etan.
Sarreren salmenta ez da hasi oraindik. Datorren astean zehaztuko dute non eta noiz erosi.
Beste ekitaldi aipagarri bat martxoaren 10ean izango da, Arerian bertan. Su ta Gar musika talde eibartarrak Maitasunari pasioa diskoa aurkeztuko du. Apirilera arte agenda atera du.
