Aitor Mimentza eta Maitane Gerrero Idiazabalgo Herri Kroseko garaile

Goierriko Hitza

2017/01/29

Giro ederrean egin dute gaur Idiazabalen, 37. Herri krosa. Aitor Mimentza elorriotarra izan da gizonezkoen artean azkarrena. Lasterketa abiatu orduko, aurrean jarri da Mimentza eta hortan mantendu da, helmuga gainditu arte. Emakumezkoen artean berriz, Maitane Gerrero hernaniarraren denbora izan da onena. Idiazabalgo Herri Krosean parte hartzen zuten lehenengo aldia izan da, bi txapeldunentzat. Gizonezkoen artean, Mimentzaren ondoren, Juanjo Igartzabal zumarragarra iritsi da bigarren eta hirugarren postuan berriz, Beñat Arnaiz arrasatearra iritsi da. Emakumezkoen artean, Donostiako Maite Arrainza izan da bigarren sailkatua eta Izaro Rubio ordiziarrak, igaro du helmuga hirugarren lekuan. Kadete mailako korrikalariak ere, helduekin batera atera dira irteera puntutik. Iker mintegi (Altsasu) eta Paula Del Pozo (Alegi) izan dira azkarrenak.

ELKARRIZKETAK

ERREPORTAJEAK

KIROLA

Azken bideoak

Argitalpen bereziak