Zegama-Aizkorri maratoian 8.757 lagunek eman dute izena, inoiz baino gehiagok
Inoiz baino lagun gehiagok eman dute izena Zegama-Aizkorri mendi maratoian. 8.757 korrikalarik, hain zuzen ere. Iaz baino 1.000 gehiagok. Beste inon ez da hain zaila dortsal bat lortzea. 250 bakarrik zozkatuko dituzte. 35etik batek bakarrik lortuko du dortsala.
Kilometro Bertikalean ere inoiz baino lagun gehiagok eman dute izena: 847k. 200 lagunek parte hartuko dute. Dortsalen zozketa hilaren 24an izango da, 18:00etan, Zegamako udaletxean. 
