Etxetik kanpo garrantzia handiko garaipena lortu dute asteburuan Ampo Ordiziako mutilek. Sevillara egindako bisitan, 14-29 mendean hartu zuten Cajasol Ciencias. Liga bukatzeko sei jardunaldiren faltan, sailkapeneko 7. postuan dago Ordizia, 41 punturekin.
Ordiziarrek aurrea hartu zuten markagailuan, 14. minutuan Iker Kortak egindako entseguarekin. 30.ean, Cruzek zigor kolpea gauzatu eta 0-8 aurretik bukatu zuten aurreneko zatia. Atsedenetik bueltan, tartea handitu zuten ordiziarrek, Rustek entsegua egin eta Cruzek gauzatu ondoren (0-15). 67. minutuan, zigor entsegua adierazi zuen ordiziarren alde, eta Cruzek ez zuen hutsik egin. 77.ean, Vazquezek beste entsegu bat lortu zuen bisitarientzat (0-29). Partida bukatu aurretik, etxekoek entsegu bat egin eta gauzatzeko aukera izan zuten, markagailuko hutsekoa disimilatuz (7-29). Azken minutuan, Munillak etxekoen bigarrena egin zuen, eta Vazquezek gauzatu zuen. Hala, 14-29 bukatu zen partida, Sevillan.
Datorren asteburuan partida berezia izango dute, Gipuzkoarren arteko derbia jokatuko baitute Altamiran, Hernaniren aurka. Hirugarren denbora ospatzeko, festa berezia antolatzen ari dira, gainera.
