Patxi Ezkiaga Lasaren
Urrutiko lur hauek liburuaren aurkezpena izango da Legorretan, idazlearen beraren eta Zelai Amenabarro Goikoetxea Legorretako alkate eta hitzaurre egilearen eskutik. Hitzordua igande honetan, martxoaren 19an, izango da, herri antzokian, 11:00etatik aurrera. Liburua aurkeztu ondoren, eragileek eta udalak, elkarlanean, omenaldi xume bat eskainiko diote idazleari.
Herriarentzat opari
Ezkiagak Legorretan oinarrituta idatzi zuen
Urrutiko lur hauek liburua, eta herriari oparitu zion ondoren. Legorretako Udalak, hori ikusita, berak hartu du argitaratzeko erantzukizuna. Eta ez hori bakarrik, argitaratu ondoren, herritarrei oparitzeko erabakia hartu du.
Horretarako, gutun bat banatuko da etxez etxe, eta hor bertan txartel bat jasoko dute. Txartel horren truke, liburua jasotzeko aukera egongo da, ekitaldia amaitzeratzerakoan eta ekitaldira joan ezin direnek, hurrengo egunetan ere jaso ahal izango dute udaletxean.
