Ane Encina legazpiarra fitxatu du Bera Berak
Orain arte astean behin entrenatu da taldearekin
Ane Encina eskubaloi jokalari legazpiarra fitxatu du Bera Bera taldeak. 19 urteko zentralak bi denboraldi egin ditu Ermuko Errotabarri taldearekin zilarrezko mailan lehiatzen. Aurredenboraldia Bera Berarekin egin zuen eta Bidebietara joan da astero taldearekin entrenatzera. Montse Puche entrenatzailearekin aritu ostean, Puche berak eskatu dio taldeari jokalari legazpiarra fitxatu dezala. Encina Errotabarri taldeko golegila nagusia izan da. Bera Bera taldeak lagunartekoa jokatu zuen Legazpin La Salle taldearen 50. urteurrenaren ospakizunen baitan eta Bera Berak irabazi egin zion La Salleko mutilen senior taldeari.
