Aurten ere, laugarren urtez jarraian, Ordiziako Zikloturista elkarteak antolatuta Goierri Ezagutzen zikloturista martxa burutuko da igandean. Momentuz 200 bat pertsonek eman dute izena. Aurtengoan ere, bi ibilbide egongo dira;?bata motza 88 kilometrokoa eta luzea bestea, 123koa. Ordizian hasi eta bukatuko da proba eta Goierriko herri gehienak zeharkatuko ditu.
Izen-ematea
Goierri Ezagutzen zikloturista martxan parte hartu nahi duenak internet bidez edo egunean bertan egin ahal izango du. 16 urtetik beherakoek ezingo dute parte hartu.
Bestalde, aldez aurretik dortsalak jasotzeko aukerarik ez duenak probaren egun berean jaso ahal izango ditu. Arropak Beti-Alai pilotalekuan jasoko dira. Derrigorrezkoa izango da lizentzia edo NANa aurkeztea. Informazio gehiago www.ordiziakozikloturistak.com webgunean dago.
Trafiko mozketa
Igandeko Goierriko zikloturisten martxa dela eta, Foruen pasealekua itxita egongo da larunbateko 20:30etatik igandeko 14:00ak arte.
