Goierri Birzirikek zabortegiaren aurkako ekimenak egingo ditu maiatzean zehar
Zabortegien aurkako eta birtziklapenaren aldeko Goierri Birzirik taldeak hiru ekitaldi antolatu ditu, maiatzerako, Su haietatik ke hauek leloarekin. Gaur, ostirala, izango da lehenbizikoa, Gabirian. Elkarretaratzea egingo dute, 18:00etan, plazan.
Hurrena, maiatzaren 18an, osteguna, Igor Meltxor ikerketa-kazetariak hitzaldia egingo du, zabortegiei buruz, Ordizian.
Maiatzaren 21ean, azkenik, protesta-martxak egingo dituzte Lurpe isurtegiaren inguruko hiru herrietatik. Gabiriako plazatik 11:00etan abiatuko da talde bat, Mutiloako plazatik ere 11:00etan, eta Ormaiztegikotik 11:30ean. Denek zabortegiaren goialdean (Lierniko bide berdea) bat egingo dute.
Goierri Birziriken manifestazioa, abenduaren 18an, Ormaiztegitik zabortegira bidean./Aimar Maiz
