![IMG-20170526-WA0008](http://goierri.hitza.eus/site/files/2017/05/IMG-20170526-WA0008.jpg)
Giro ezin hobea eta bero itzela dute aurtengo Azintzio jaietan, Legorretan. Goizean haurrentzako jolas eta puzgarriekin hasi dute jaietako egitaraua. Bestalde, pote, igel eta toka txapelketa jokatu dute herriko jubilatuek. Eguerdian, herri bazkaria egin dute Bilkoin elkartean, The Joselontxo’s taldeak girotuta. Arratsaldean berriz, eskolako haurrek play backa egingo dute. Kanta eta dantza ugari prestatu dituzte herri guztiaren gozamenerako. Iluntzean, helduen txanda izango da, haiek ere ikuskizun polita prestatu dute eta barre algara bat baino gehiago sortuko dute ikusleengan.
![IMG_4818](http://goierri.hitza.eus/site/files/2017/05/IMG_4818-300x254.jpg)
Bihar, larunbata, mozorro eguna ospatuko dute. Eguerdian paella lehiaketari ekingo diote eta ondoren herri bazkaria egingo dute. Arratsaldean, herriko gazteek antolatuta, herri kirol desafioa burutuko dute. Azkenik, iluntzean, Otsein eta Skakeitan taldeen kontzertuak.