Ikastolak giro ederrean agurtu du ikasturtea
Urretxu-Zumarraga Ikastolak, ohiturari jarraituz, mahai baten bueltan agurtu du ikasturtea. Aurreko bi urteetan ez bezala, aurten eguraldia lagun izan dute eta Ikastolaren Festa egin ahal izan da. Ostiralean arratsaldean ospatu
Urretxu-Zumarraga Ikastolak, ohiturari jarraituz, mahai baten bueltan agurtu du ikasturtea. Aurreko bi urteetan ez bezala, aurten eguraldia lagun izan dute eta Ikastolaren Festa egin ahal izan da.
Ostiralean arratsaldean ospatu zuten ikasturte amaierako jaia. Lehendabizi, Zumarragako Euskadi enparantzan, haurrentzako jolasak eta tailerrak izan ziren. Gaztetxoenek gogotik gozatu zuten. Herri kiroletan, berriz, Lizeoko ikasleak maisu lanetan aritu ziren ikastolakoekin. Jolasen ondoren, zumba saioa izan zuten.
Arratsaldea dotore joan zen eta baita gaua ere. Nahikoa jolas eta dantza egin ondoren, Lizeo ondoko zabalgunean elkartu ziren afaltzera, ia mila lagun inguru, ikasle, irakasle eta gurasoak batuz.
Afariaren bueltan dantzaldia eta saskien zozketak egin zituzten, eta gauerdia iristearekin batera amaitutzat eman zuten festa.
