Ikasturtea bukatzen ari dira Goierriko ikasleak, eta musika eskoletan ere, kurtsoa agurtzeko jaialdiak egiten ari dira, batean eta bestean. Tobera Musika Eskolakoek aste honetan egin dituzte ikasturte amaierako kontzertuak. Segurako eta Zegamako saioetan 135 bat ikasle elkartu dira bertan. Egunotako bero zakarra jasan behar izan dute, baina gainontzean dena ondo atera zela azaldu dute musika eskolako arduradunek.
Eskolak aste honetan amaituko dituzte Toberan, baina oraindik musika eskolako ikasleek hainbat hitzordu izango dituzte. Izan ere, San Joan bezperan, Segurako jaietan eta Zegamako jubilatuen egunean joko dute, besteak beste.
