Gaztetxoen pilota txapelketako finalak, bihar Zumarragan
Bihar, 17:00etatik aurrera, Zumarragako Beloki kirol elkarteak antolatzen duen gaztetxoen txapelketako finalak jokatuko dituzte Beloki pilotalekuan. Aurrebenjaminetan, hirugarren posturako, Manex Elortza eta Telmo Elgarrestak Austin Peñagarikano eta Markel Urbizuren aurka
Bihar, 17:00etatik aurrera, Zumarragako Beloki kirol elkarteak antolatzen duen gaztetxoen txapelketako finalak jokatuko dituzte Beloki pilotalekuan. Aurrebenjaminetan, hirugarren posturako, Manex Elortza eta Telmo Elgarrestak Austin Peñagarikano eta Markel Urbizuren aurka jokatuko dute. Finalean, Ander Plazaola eta Danel Sanchez, Luken Larraiotz eta Ruben Murciegoren aurka arituko dira.
Benjamin mailan, Oier Leunda eta Danel Pildainek Oier Altzelai eta Mikel Jauregiren aurka jokatuko dute hirugarren posturako. Finalean, Luka Etxanizek eta Oier Mediavillak Danel Aizpurua eta Beñat Perezen aurka jokatuko dute.
Kimu mailan, Julen Armaolea eta Iker Izagirrek Ibai Agirre eta Markel Arrizabalagaren aurka jokatuko dute hirugarren posturako. Finalean, Unax Babarro eta Oier Ibarluzea, Julen Zabaleta eta Jose Luis Diazen aurka arituko dira.
Txapelketa honetan Legazpi, Urretxu eta Zumarragako klubetako haurrek parte hartu dute. 45 bikote aritu dira: 14 aurrebenjamin mailakoak, 18 benjamin mailakoak eta 13 kimu mailakoak.
