A-ruinatzen garaile Legazpiko Futbol 7 txapelketan

Gazteak Kopan Isotoposek 3-2 irabazi dio Burkina Fasori.

Goierriko Hitza

2017/07/01

A-ruinatzen taldea.

Futbolaren aitzakian, festa handia dute gaur Legazpin; 11:00etan hasita, Legazpiko Futbol 7 txapelketako finalak jokatu baitira Bikuña futbol zelaian, harmailak jendez gainezka zirela. Lehendabizi, Gazteak Kopako finala Burkina Faso eta Isotopos taldeek jokatu dute; Isotopos izan da garaile 3-2 irabazita. 12:30eak puntuan zirela, berriz, Champions Leagueko finaleko pareko zeremonia hasi da, final nagusiaren atariko gisa. Epaileak eta dantzariek ikurrinari helduta, atzetik, Aztiri Bulls eta A-ruinatzen taldeetako kideak ilaran jarrita. Ane Belokik bi bertso bota ditu eta ondoren, agurra dantzatu dituen bi taldeei. Partida bana bukatu da eta penaltietan, A-ruinatzen taldeak 5-4 irabazi du aurtengo txapela. Hamargarren urterreuna izan du aurten Futbol 7 txapelketak. Partiden ondoren, Azokan jarraitu du festak, 500 lagunetik gora elkartuko baitira bazkaltzeko.

Azken elkarrizketak

Azken bideoak

Argitalpen bereziak