Gerrikoaren belarria harrotasunaz mintzo da
Euskal Artzainak Ameriketan elkarteak urteko bilkura nagusia egin du Legazpin, Artzain Egunean. 450 bat lagunek parte hartu dute artzain eta senideak zenbatuta. Bakoitzaren istorioa kontakizun oso bat da.
Ameriketara joandako artzain gehienek galtza bakeroak eta alkandorak jantzita iritsi ziren Legazpira. Lepoan Euskal Artzainak Ameriketan idatzita zuen zapia lotuta zeramaten guztiek eta batek edo besteak biserarekin estaltzen zuen burua, biserok
AEBetako markaren bat zuten; USA?letrak, adibidez. Edonola ere, Ameriketan artzain ibilitakoen janzkeran beste ezaugarri batek agerian uzten zuen non ibiliak ziren. Hain zuzen, gerrikoak eta zehatzako gerrikoa ixten zuen belarriak. Izan ere, cow boy txapadun belarria zen.
Laura Igantzi elkarteko lehendakariari gerrikoaz galdetuta erantzun zuen gerriko hauek «harrotasun» seinalea direla, dotore janzten direnean derrigorrezko osagarria dela. Halako gerriko bat jantzita zuen, adibidez, Oçafrain anaietako batek.
Ameriketako artzainen gurdia eta tepee-a.
