Gaintzan San Migel jaiak ospatuko dituzte asteburuan, eta aurten berrikuntza batekin datoz; izan ere, Ordiziarrock egitasmoarekin elkarlanean, rock kontzertuak antolatu dituzte larunbat gauerako. Herri afariaren ondoren izango da, eta Belaño eta Bedeinkatuak talde gazteek joko dute. Ordiziarrockek azaldu duenez, “Goierrin musika eta festa” sustatzeko ahalegina egiten dute, eta horren adibide izan nahi du Gaintzako jaietako kontzertuak. Horrez gain, Gaintzako Elkarte Zaharrean jana eta edana eskaintzeaz ere arduratuko direla azaldu dute.
Gaintzako jaiak ostoraletik igandera bitartean ospatuko dituzte. Autobus zerbitzu berezia ere izango da ostiral eta larunbatean; 21:00etan Ordiziako geltokitik aterako da, eta bueltakoa, 03:00etan Gaintzatik Ordiziara.
