Lazkaoko Jose Lasa parkeko ziburu bati su eman diote
Lazkaoko Jose Lasa kalean dagoen haur parkean sute txiki bat izan da, gaur arratsaldean. Parkean dagoen dorre itxurako eraikuntzaren goialdeko plataforman sortu da sua. Norbaitzuk sofa zahar bat igo dute han goraino, eta su eman diote. Berehala bizitu da sua, eta ketza atera du. Lazkaoko udaltzainek, inguruko bizilagunek eta Ordiziako parkeko suhiltzaileek itzaldu dute, minutu gutxira.
Jose Lasa Parkeko eraikin honen goian piztu dute sua. Atzean, suhiltzaileak./Aimar Maiz
