Urriaren 22an egin zuten bertso saioarekin eman zioten hasiera Legorretako kultur asteari. Ordutik hamaika ekitaldi egin dituzte aste osoan zehar. Gaur eman diote amaiera, eta ibilgailu klasikoen V. topaketa izan da jardunaldi hauei agur esateko aukeratu duten ekintza.
Goizeko hamarrak aldera heldu dira parte hartzaileak kale nagusira, bertan autoak utzi eta hamaiketakoa egin dute. 13:30etan sariak banatu dituzte; sariketa amaitu ostean bazkaria egin dute Bilkoin elkartean eta 16:30etan abiatuta ibilbidea egin dute.
