VRAC Quesos Entrepinares taldearen aurka neurtuko ditu indarrak Ampok igandean Altamiran
Ampo Ordizia eta Valladolideko VRAC Quesos Entrepinares izango dira aurrerz aurre, igandean Altamiran, 12:30ean. Normalean baino ordubete beranduago jokatuko dute, Teledeporte telebista kateak, zuzenean eskainiko baitu.
Goierriko taldea, azken asteetan segidan hiru garaipen lortuta dator, animo altuarekin daude beraz. Sailkapen nagusian laugarren tokian dago Ampo, 22 punturekin. Dena den, Valladolidekoak, oso talde indartsua dute eta sailkapen nagusian aurreneko postuan daude, neurketa guztiak eta Superkopa ere irabazita. Tanto gehiago egiteko asmoarekin etorriko dira bisitariak, ligako tronua mantendu ahal izateko. Aurten, titulu guztiak irabazteko gai den taldea osatu du VRAC-ek, eta jokalari nahasketa ona dute.
Ordiziarrek azken asteotako jokoa erakustea espero dute, liga irabazteko faboritoari ezustekoa emanez. Marotias eta Garmendiak, Ampoko entrenatzaileek, gaur, entrenamendua eta gero erabakiko dute zelaira salto egingo duten jokalarien zerrenda.
