Carlos de Cos soraluzearrak irabazi du laugarren aldiz Ataungo argazki rallya

Goierriko Hitza

2017/11/18

Ataungo XII. Argazki Rallyko sarituak, gaur eguerdian, Herri Antzokian. Arg./ I. Gurrutxaga

Orain hilabete pasa, urriaren 8an, Ataunen egin zen XIII. Argazki rallyaren sariak banatu dituzte gaur eguerdian herri antzokian. Rallyra aurkeztutako argazki bilduma baten proiekzioaren ondoren, sari banaketa egin dute. Lehenengo saria Carlos de Cos-ek jaso du –300 euro eta oroigarria–. Laugarren aldiz irabazi du rallya argazkizale soraluzearrak. Bigarren saria Zallako Jose Luis Rodriguezentzat izan da –150 euro eta oroigarria–. Herriko lehen sailkatua Iker Contrera izan da –90 euro eta oroigarria– eta Andoni Aizpurua bigarrena. Troskaetak emandako bi botila ardo eta Erauskin harategiko bi txuleta jaso ditu saritzat Aizpuruak. Sarituez gain, aipamen berezia egin diete aurrenekoz lehiaketan parte hartu duten bi neska gazteri. June Anza (10 urte) eta Maria Imaz (14 urte) dira bi neskatoak. Ataungo argazki rallyan 47 lagunek parte hartu duten aurten, horietatik 13 herritarrak. Argazkiak ateratzeko gaiak garaiko fruta edo barazkia, erreka, eskua, diagonala eta frontoia izan dira.

SAILKAPENA Orokorra 1. Carlos de Cos (Soraluze): 140 puntu 2. Jose Luis Rodriguez (Zalla): 114 puntu Herritarrak 1. Iker Contreras. 98 puntu 2. Andoni Aizpurua. 93 puntu

Azken elkarrizketak

Azken bideoak

Argitalpen bereziak