Emakumeen aurkako indarkeria salatzeko oihuak

Ekitaldi gehienak bihar izango badira ere, Beasainen, Ordizian eta Seguran hainbat ekitaldi egin dituzte.

Goierriko Hitza

Ataun,Beasain,Itsasondo,Lazkao,Legazpi,Legorreta,Mutiloa,Ordizia,Segura,Urretxu,Zaldibia,Zegama,Zumarraga

2017/11/24

Azaroaren 25eko ekitaldia Beasainen.

Emakumeen aurkako indarkeria matxista salatzeko eta desagerrazteko eskatzeko ekitaldi ugari egiten ari dira egunotan Goierrin. Emakumeen indarkeriaren kontrako nazioarteko eguna bihar bada ere, Beasainen, Seguran eta Ordizian entzun ahal izan dira indarkeria matxistarekin amaitzeko mezuak. Beasainen, plazako kioskoan jarritako hari matazekin osatutako bufandarekin, piano doinuekin, eta ikastetxeetako ikasleen ekitaldiekin salatu dituzte emakumeen aurkako erasoak. 21:30ean, Bideluze plazan, Oriako Lamiak taldeak, perfomancea egingo du.

Azaroaren 25eko ekitaldia Segurako Laiotz herri eskolan.

Seguran, Laiotz herri eskolan, Hitz Atseginen Lorategia osatu dute. Haur Hezkuntzako ikasleek loreak margotu dituzte eta LHko ikasleak ur tanta modukoetan hitz atseginak idatzi dituzte. Ondoren, taldeka, itsatsi dituzte horman. Jarraian, zikloka, gelatan bideoak ikusi, ipuinak landu eta gaiaren inguruan hitz egin dute, eta baita puntu more handia margotu eta gelan jarri.

Azaroaren 25eko ekitaldia, Ordizian.

Ordizian, ‘Bizitza elkarrekin ospatzen indarkeria matxistaren aurka’ topaketa egin dute D’Elikatuzen, eta 19:30ean, elkarretaratzea egingo dute, ‘Emakumeen aurkako indarkeria gehiarik ez!’ lelopean. Bestetik, gaur Herri Antzokian, giza eskubideen film laburren nazioarteko txapelketan aurkeztutako lanak eskainiko ditu Dar-Darrek. Biharko egitaraua Dena den, bihar izango dira ekitaldi gehienak:

Ataun: 12:30ean, elkarretaratzea Aian, Biboletek deituta.
Beasain: 18:30ean, Asmube emakume elkarteak dietutako elkarretaratzea plazan.
Itsasondo: 19:00etan, elkarretaratzea plazan.
Lazkao: 11:00etan, Zapata gorriak ekimena plazan: zapata margoketa, erakusketa eta gazteen mahai ingurua. 13:00etan ekitaldia.
Legazpi: 12:30ean, elkarretaratzea Euskal Herria plazan eta 21:30ean, Volar dokumentala Latxartegi aretoan.
Legorreta: 19:00etan, Volar dokumentala.
Mutiloa: 19:30ean, elkarretaratzea plazan.
Segura: 13:00etan, Indarkeria matxistaren aurkako elkarretaratzea plazan. Ondoren, aurresku erraldoia.
Zegama: 19:00etan, elkarretaratzea udaletxe aurrean.
Zaldibia: 12:30ean, elkarretaratea plazan.

Azken elkarrizketak

Azken bideoak

Argitalpen bereziak