Gernikaren aurkako euskal derbia jokatuko du Ampo Ordiziak larunbatean
Pasa den astebukaeran, Hernaniren aurkako Gipuzkoako derbian denboraldiko partida onenetarikoa egin eta garaipena lortu ondoren, Ampo Ordiziak, Gernika Rugby taldearen aurkako euskal derbia jokatuko du, larunbatean 16:00etan, gernikarren zelaian.
Ordiziarren animoak goian badaude ere, ezingo dute erlaxatu garaipen berri bat lortu nahi badute. Gernikaren aurka irabazteko beraz, lanerako buzoa jantzi beharko dute Ampoko mutilek. Une honetan, 27 punturekin eta bost garaipenekin, sailkapen nagusiko seigarren postuan dago Ordizia Rugby Elkartea. Bizkaitarrak baino bi potu aurretik daude, zortzi puntu gehiagorekin.
Aste honetakoa irabazita, play-offean kokatuko lirateke Ordiziakoak, Gernika aukera horretatik urrunduz. Larunbateko norgehiagokara, goierriko zale asko gerturatzea espero du klubak.
Konbokatuen artean ez dira egongo Geronimo Albertario, lesioagatik, eta Delle Donne santzioagatik.
